وتەی کتێبخانە:
کتێبخانە وەك ناوەندێکی پەیمانگە، دڵی لێدانی پرۆسەی ئەکادیمیی و سەرچاوەی سەرەکییە بۆ فێرخوازان و توێژەران، کە بەدوای زانیاری و بابەتی زانستیدا دەگەڕێن، کتێبخانەکە هەزاران کتێب و گۆڤار و نامە لە بەشە جیاوازەکاندا لەخۆدەگرێت، ئەمە جگە لە سەرچاوە ئەلیکترۆنی و دیجیتاڵی، کە دەستڕاگەیشتن بە نوێترین زانیاری جیهانی ئاساندەکات.
ئەرک و کارنامەی کتێبخانە تەنیا لە خواستنی کتێبدا سنووردار نەکراوە، بەڵکو ڕۆڵێکی سەرەکی دەگێڕێت لە پەرەپێدانی توانای توێژینەوەی فێرخوازان و هاندانی خوێندنەوە و بیرکردنەوەی ڕەخنەگرانە، هەروەها شوێنێکی ئارامیشە بۆ خوێندنەوە، لەم سۆنگەوە ژووری خوێندنی تاکەکەسی و گروپی دەستەبەرکراوە بۆ فێرخوازان و توێژەران.
جگەلەمەش کتێبخانەی ناوەندی، تەنیا شوێنێک نییە بۆ هەڵگرتنی کتێب، بەڵكو ژینگەیەکی ئەکادیمی یەکگرتووشە، کە هاوسەنگە لەگەڵ پێشکەوتنە مۆدێرنەکان و پشتگیری لە پرۆسەی خوێندنی پەیمانگە دەکات، بۆئەوەی ببێتە چرایەکی زانین و فێربوون بۆ هەمووان، بەمانایەکی تر کتێبخانەی ناوەندی پەیمانگە چرایەکی زانستی و ڕۆشنبیرییەو سەرچاوەی زانیاری دەوڵەمەند بۆ فێرخوازان و توێژەران دابیندەکات، کە هەردوو کتێب و گۆڤاری چاپکراو و ئەلیکترۆنی لەخۆدەگرێت و بەشداریدەکات لە پشتگیریکردنی پرۆسەی پەروەردەیی و توێژینەوە لەڕێگەی دابینکردنی ژینگەیەکی لەبار بۆ خوێندنەوە و خوێندن، هەربۆیە کتێبخانە لە هەر ناوەندێکدا، پایەیەکی بنەڕەتی پرۆسەی پەروەردەیی و توێژینەوەییە، لەهەمانکاتدا سەرچاوەی سەرەکی کتێب و سەرچاوەی زانستی بۆ فێرخوازان و مامۆستایان و توێژەران دەستەبەردەکات و دەرفەتی دەستڕاگەیشتن بە نوێترین پێشکەوتنە زانستی و زانستییەکانیان بۆ ئەوانەی کە بەشدارن لە بەرزکردنەوەی ئاستی پەروەردە و هاندانی توێژینەوەی زانستی دەستەبەردەکات.
هەروەها کاردەکات بۆ چاندنی خۆشەویستی خوێندنەوە و پەرەپێدانی بیرکردنەوەی ڕەخنەیی لە فێرخوازدا، بۆیە کتێبخانە تەنیا شوێنێک نییە بۆ هەڵگرتنی کتێب، بەڵکو هاوبەشێکی کاریگەرە لە بنیاتنانی نەوەیەکی ڕۆشنبیر و داهێنەر کە توانای خزمەتکردنی کۆمەڵگە هەبێت.
